បញ្ចប់បេសកកម្មសិក្សា

image

ភ្លេចប្រាប់ទៅ ថាខ្ញុំពេលនេះរៀនចប់ហើយ! ក្រោយរៀនចប់ ថ្វីត្បិតមិនទាន់ត្រលប់ទៅមាតុភូមិវិញភ្លាម តែក៏នឹងវិលវិញឆាប់នេះឯង មិនយូរទេ យ៉ាងយូរមួយឆ្នាំទៀត ^^

គិតទៅពេលវេលាដើរលឿនដូចផ្លេកបន្ទោរ ៥ឆ្នាំដែលខ្ញុំគិតថាវាយូរណាស់ ឥលូវនេះវាកន្លងផុតបាត់ទៅហើយ។ ក្រោយរៀនចប់ អ្វីដែលខ្ញុំត្រូវធ្វើគឺស្វែងរកគោលដៅនៃជីវិត។ មិនមែនត្រឹមតែមុខរបរមួយមុខដែលខ្ញុំត្រូវគិតគូរនោះទេ ប្រហែលជាច្រើនជំពូក។ គិតទៅមើល ពេលខ្ញុំចាកចេញពីកម្ពុជាដំបូង ត្រឹមជាក្មេងស្រីមិនដឹងខ្យល់អី មិនបាច់ដឹង មិនបាច់គិតគូរពីរឿងច្រើនពេកទេក្រៅតែពីរៀន។ តែពេលនេះ ក្រោយរៀនចប់ វាហាក់ដូចលឿននិងខុសឆ្ងាយខ្លាំងសម្រាប់ចិត្តគំនិតនិងកិច្ចត្រូវធ្វើនិងទំនួលខុសត្រូវ។ ខ្ញុំហាក់រកទិសដៅជីវិតមិនទាន់ឃើញនៅឡើយ អារម្មណ៍ពេលនេះហាក់បីដូចជាមនុស្សម្នាក់កំពុងឈរតែលតោលលើផ្ទាំងទឹកកកតូចមួយក្នុងផ្ទៃសមុទ្រដ៏ធំធេង។

ជោគជ័យក្នុងជីវិតមិនមែនងាយស្វែងរក និងទទួលបាននោះទេ ត្រូវរៀននិងប្រឹងប្រែងដោយខ្លួនឯង។ ទ្រឹស្តីក្នុងសាលានិងភាពជាក់ស្តែងក្នុងសង្គមមានភាពខុសគ្នា ត្រូវចេះបត់បែននិងរៀនសូត្របន្ថែមទៀតពីបទពិសោធន៍ និងអ្នកផ្សេង។ ជូនពរខ្ញុំសំណាងល្អទៅណា៎ ^^ អរគុណទុកជាមុន គិៗៗៗ

Advertisements

[The Longest Ride]: “Love is selfish and give up”

It might not be a new thing to you when you hear it, “Love is selfish and give up”. Some of you might agree and some not, but it woud matter you when you become a person who suffers from this love quote. Let me tell you a story:

image

‘The Longest Ride’ is a romantic love story. It is a new released movie about a beautiful love of two couples. I would name it as ‘old couple’ and ‘young couple’. In the movie, a girl of young couple also learned of how to give up on her personal life (internship chance) for her boyfriend or beautiful love. So far, I have watched many romantic movies, and it’s my favorite genre. But this movie which I’ve just watched before yesterday taught me something, and I was awakened for somehow reasons.

You know what? Once upon of time, I could not understand when my friend gave up on me or betrayed me(I’m not sure but breaking promise should be called ‘betray’), choosing to be selfish for her boyfriend. I was upset of course, and I think you would too. Fortunately, while watching that movie, when the young girl called to her boss, telling she was going to give up her internship to be near her boyfriend; I was amazed when her boss answered, “It’s ok, i can understand that.”

So that boss was not even close to her but can forgive and understand her. That moment, I was like…wow… so love is everything, people can give up everything even their life for their love, and what is me? Who is me to a friend? It’s just a friend, right? Why she can’t give up? It became an easy answer to me, and I eventually easily understand the situation. Not because I didn’t understand the meaning of love, but because I also support the young girl in the movie to give up her internship, and also support her boss for not blame her on being irresponsibility. However, I still agree and support that her boss has a rights and not being wrong to blame her. It is a nice thing for not blaming, but it is also not a wrong thing for blaming. Because fault is still a fault. Just because you are building a beautiful love, it doesn’t mean you are right to hurt other people around you or being irresponsibility. And when you do something for your own benefit that can hurt or effect others, I think it is right to call ‘being selfish’. For instance, her boss’s company has to find another intern in urgent, wasting time and finance or more, who knows? Whose responsibility? So why can’t her boss blame her if she wants to. If you get what I mean~

In conclusion, I agree and it’s what i learned from that movie. It is a nice and beautiful movie you should not miss. I am more open minded about forgiving people when they try to be selfish for their love. Who knows, I might do it later and it would be the time I wish people understand me. But believe me, I would never try to ruin or hurt others like that just to be a good girlfriend or wife myself.

Khmer Unicode Font for Android Lollipop 5.0

Some of Samsung phones can’t read Khmer after you upgrade to Android Lollipop 5.0. I have been searching for months, even asking in Facebook group of how to read Khmer in Lollipop without root; unfortunately, i got no answers.

Few weeks ago, I finally managed to find a grateful youtube link, which helped to solve my problem. And here we go, it is very easy and simple. Just download APK Hanuman Khmer unicode font, install it, then change your phone’s font display by choosing this awesome Hanuman font, thats it.

To install font,

– Click this link Hanuman.apk

– Allow unknown source to install apk file in your phone ( Setting > General > Security > ‘tick’ Unknown Sources)

– Install font by finding Hanuman.apk in Download folder (My Files App > All Files > Download > Hanuman.apk), and follow instruction.

– Choose installed font as phone’s default font ( Setting > Device > Font > Font type > choose Hanuman font)

Here we go, test your Khmer font by open your Facebook or come back my blog to read posts in Khmer 😉

* Credit to Sotheavorn Sin Youtube channel

វិធី​និទាន​ប្លែក​ៗ​ដែល​អ្នក​និពន្ធ​ប្រើ​

អ្នក​និពន្ធ​តែង​មាន​វិធី​និទាន​​ប្លែក​ៗ​ពី​គ្នា​ទៅ​តាម​ការ​ច្នៃ​ប្រឌិត​និង​វិធីសាស្រ្ត​របស់​គាត់​ ដើម្បី​ទាញ​ចំណាប់​អារម្មណ៍​ពី​អ្នក​អាន។ យ៉ាង​ណា​មិញ​វិធី​និទាន​ដែល​យើង​ចំណាំ​ឃើញ​អ្នក​និពន្ធ​និយម​ប្រើ​ក្នុង​ការ​សរសេរ​ជា​ពិសេស​នៅ​ក្នុង​រឿង​ប្រលោមលោក​នោះ​ គឺ​ការ​ប្រើ​បុរស​ទី​មួយ​ ឬ​ទី​បី។ ជា​ទូទៅ​ ការ​ប្រើ​បុរស​ទីមួយ​ដើម្បី​និទាន​គឺ​គេ​ប្រើ​ពាក្យ​​”ខ្ញុំ” ដែល​ខ្ញុំ​នេះ​ជួន​កាល​ដើរ​តួ​ជា​អ្នក​និពន្ធ​ផ្ទាល់​ ឬ​ជួន​កាល​ជា​នរណា​ម្នាក់​ក្នុង​សាច់​រឿង​ហើយ​តួអង្គ​ម្នាក់​នេះ​នឹង​ប្រាប់​រឿង​រ៉ាវ​និង​ការ​គិត​របស់​គេ​ទាំង​អស់​ដល់​អ្នក​អាន។ ការ​ប្រើ​បុរស​ទី​បី​ ជា​ទូទៅ​គឺ​ការ​ប្រើ​ឈ្មោះ​នរណា​ម្នាក់​នៃ​តួ​អង្គ​ក្នុង​រឿង ហើយ​អ្នក​និពន្ធ​ជា​អ្នក​ក្តោប​ក្តាប់​សាច់​រឿង​ និង​និទាន​ឲ្យ​យើង​ស្តាប់។

ក៏​ប៉ុន្តែ​មាន​សៀវភៅ​បី​ក្បាល​ដែល​ខ្ញុំ​ចង់​លើក​មក​បង្ហាញ​ជូន​លោក​អ្នក​នៅ​ថ្ងៃ​នេះ​ ព្រោះ​ខ្ញុំ​សង្កេត​នូវ​វិធី​និទាន​និង​របៀប​សរសេរ​ក្នុង​សៀវភៅ​នេះ​ប្លែក​ខុស​ពី​ការ​និពន្ធ​ទូទៅ។ ចំពោះ​ខ្ញុំ​ មាន​អារម្មណ៍​ថា​ប្លែក​និង​ភ្ញាក់​ផ្អើល​នៅ​ពេល​ដែល​ខ្ញុំ​បាន​អាន​និង​ប្រទះ​ជា​លើក​ដំបូង ប៉ុន្តែ​ប្រសិន​បើ​លោក​អ្នក​ដែល​ធ្លាប់​អាន​ប៉ះ​នូវ​របៀប​និទាន​នេះ​ហើយ​ ប្រហែល​មិន​សូវ​ប្លែក​ឬ​អស្ចារ្យ​ប៉ុន្មាន​ទេ​មើល​ទៅ!

1. Please Look After Mom by Kyung Sook-Shin

please look after mom IMG_1080

ជា​រឿង​និយាយ​អំពី​ម្តាយ​ចាស់​ជរា​វង្វេង​បាត់​ក្នុង​ស្ថានីយ៍​រថភ្លើង។ រឿង​នេះ​និពន្ធ​ជា​ឯកវាទ​និទាន​ ដោយ​ប្រើ​បុរស​ទីមួយ​។ តែ​អ្វី​ដែល​ប្លែក​នោះ​ គឺ​រឿង​នេះ​ចែក​ចេញ​ជា​បួន​វគ្គ​ ហើយ​បុរស​ទី​មួយ​ដែល​អ្នក​និពន្ធ​នៅ​ក្នុង​វគ្គ​នីមួយ​ៗ​សំដៅ​លើ​តួអង្គ​ខុស​គ្នា​ៗ​ មិន​តែ​ប៉ុណ្ណោះ​អ្នក​អាន​ត្រូវ​ស្វែង​យល់​ដោយ​ខ្លួន​ឯង​ ថា​តើ​អ្នក​និពន្ធ​​ប្រើ​បុរស​ទីមួយ​ចង់​សំដៅ​ទៅ​លើ​តួអង្គ​មួយ​ណា។ ដូច​នេះ​ពី​មួយ​វគ្គ​ទៅ​មួយ​វគ្គ​ ពាក្យ​”ខ្ញុំ​”អាច​ជា​តួ​កូន​ពៅ​ឬ​កូន​បង​ឬ​កូន​ប្រសារ​ ឬ​នរណា​ម្នាក់​ក្នុង​ចំណោម​តួអង្គ​នៃ​សាច់​រឿង។

2. Never Fall Down by Patricia McCormick

never-fall-down IMG_1078
រឿង​នេះ​និយាយ​អំពី​ជីវិត​ពិត​ក្មេង​ប្រុស​ម្នាក់​ដែល​តស៊ូ​ក្នុង​សម័យ​ប៉ុលពត​ហើយ​ទី​បំផុត​បាន​ភៀស​​ខ្លួន​មក​នៅ​អាមេរិច។ មុន​ពេល​អាន​រឿង​នេះ​ ខ្ញុំ​ឆ្ងល់​ថា​តើ​រឿង​នេះ​ជា​រឿង​ប្រឌិត​ឬ​ពិត ហើយ​ហេតុ​អ្វី​បាន​ជា​អ្នក​និពន្ធ​ជា​ជនជាតិ​បរទេស ព្រោះ​សៀវភៅ​ផ្សេង​ដែល​និយាយ​ពី​ជីវិត​ពិត​នៅ​សម័យ​ប៉ុល​ពត​ភាគ​ច្រើន​ អ្នក​និពន្ធ​ជា​ជនជាតិ​ខ្មែរ។ អស់​ពី​មាន​ចម្ងល់​ត្រង់​ចំណុច​នេះ ខ្ញុំ​រឹត​តែ​ឆ្ងល់​ថែម​ទៀតនៅ​ពេល​ដែល​ខ្ញុំ​អាន​រឿង​នេះ​ពី​មួយ​សន្លឹក​ទៅ​មួយ​សន្លឹក​ ពី​មួយ​វគ្គ​ទៅ​មួយ​វគ្គ ព្រោះ​ខ្ញុំ​សង្កេត​ឃើញ​មាន​កំហុស​វេយ្យាករណ៍​និង​ឃ្លា​ជា​ច្រើន​ហូរហែ​តាំង​ពី​ដើម​ដល់​ចប់។ ខ្ញុំ​ឆ្ងល់​ថា​ ហេតុអ្វី​អ្នក​និពន្ធ​បរទេស​សរសេរ​អង់គ្លេស​ខុស​ច្រើន​ដល់​ម្ល៉ឹង? តើ​គាត់​សរសេរ​ដោយ​ចេតនា ឬ​ដោយ​ការ​គ្មាន​យក​ចិត្ត​ទុក​ដាក់?
ចម្លើយ​រក​ឃើញ​នៅ​វគ្គ​ចុង​ក្រោយ​ គឺ​រឿង​នេះ​អ្នក​និពន្ធ​ប្រើ​បុរស​ទីមួយ​ជា​ឯកវាទ​និទាន​ដូច​គ្នាដែល​សំដៅ​លើ​ក្មេង​ប្រុស​ខ្មែរ​នោះ​ឯង។ តែ​អ្វី​ដែល​សំខាន់ មូលហេតុ​ដែល​សរសេរ​ខុស​ច្រើន​ គឺ​ចង់​បញ្ជាក់​ឲ្យ​ឃើញ​ថា​​ អ្វី​ដែល​យើង​បាន​អាន​ពី​ដើម​ដល់​ចប់​ក្នុង​រឿង​នេះ គឺ​ជា​ការ​រៀបរាប់​និង​សមត្ថភាព​អង់គ្លេស​របស់​ក្មេង​ប្រុស​ខ្មែរ​នោះ​ផ្ទាល់​​នៅ​ពេល​បច្ចុប្បន្ន​។ ថ្វី​ត្បិត​តែ​រឿង​នេះ​មិន​មែន​ក្មេង​ប្រុស​នោះ​ជា​អ្នក​សរសេរ​ តែ​អ្នក​និពន្ធ​ចង់​ឲ្យ​យើង​មាន​អារម្មណ៍​ថា​អ្វី​ដែល​យើង​កំពុង​អាន​ គឺ​ជា​ការ​និទាន​របស់​ក្មេង​ប្រុស​ខ្មែរ​នោះ​ប្រាប់​មក​កាន់​អ្នក​ជា​ភាសា​អង់គ្លេស។ បញ្ជាក់៖​ នេះ​ជា​ការ​យល់​ឃើញ​និង​ស្វែង​យល់​របស់​ខ្ញុំ​ចំពោះ​រឿង​មួយ​នេះ។

3. The Good Girl by Mary Kubica

18812405 IMG_1079
រឿង​នេះ​ជា​រឿង​បែប​ស៊ើប​អង្កេត​និង​អាថ៌កំបាំង​ និយាយ​ពី​ក្មេង​ស្រី​ម្នាក់​ដែល​ត្រូវ​បាន​គេ​ចាប់​ជំរិត។ រឿង​នេះ​ប្រើ​ឯកវាទ​និទាន​ដូច​គ្នា​ ហើយ​ផ្លាស់​ប្តូរ​តួអង្គ​នៃ​បុរស​ទីមួយ​ពី​មួយ​វគ្គ​ទៅ​មួយ​វគ្គ​ស្រដៀង​ទៅ​នឹង​រឿង​ខាង​លើ Please Look After Mom ដែរ ប៉ុន្តែ​លើស​ពី​នេះ​ អ្នក​និពន្ធ​បាន​ជ្រើស​រើស​ការ​និទាន​ដោយ​មិន​ប្រើ​លំដាប់​កាល។ ឧទាហរណ៍ វគ្គ​ទី​មួយ​និយាយ​ពី​មុន​ថ្ងៃ​កើត​ហេតុ វគ្គ​ទីពីរ​និយាយ​ពី​ក្រោយ​ថ្ងៃ​កើត​ហេតុ​ ហើយ​វគ្គ​ទី​បី​ត្រលប់​ទៅ​និយាយ​មុន​ថ្ងៃ​កើត​ហេតុ​វិញ ដោយ​ត្រលប់​ត្រលិន​ចុះ​ឡើងៗ ធ្វើ​ឲ្យ​អ្នក​អាន​វង្វេង​​ផង និង​ឆ្ងល់​ផង ហើយ​ចង់​តាម​ដាន។​ មួយ​វិញ​ទៀត រឿង​នេះ​អ្នក​និពន្ធ​បញ្ជាក់​ប្រាប់​ថា​បុរស​ទី​មួយ​ក្នុង​វគ្គ​នេះ​សំដៅ​លើ​អ្នក​ណា​តាម​រយៈចំណង​ជើង​វគ្គ។ ឧទាហរណ៍ វគ្គទី​​មួយ​មាន​ចំណង​ជើង​ថា​ Eve Before មាន​ន័យ​ថា​ ពាក្យ​”ខ្ញុំ”ក្នុង​វគ្គ​នេះ​សំដៅ​លើ​តួអង្គ​​ Eve ហើយ​ Before មាន​ន័យ​ថា​ មុន​ថ្ងៃ​កើត​ហេតុ, ឯវគ្គ​ទី​ពីរ​និង​ទី​បី​គឺ Gabe​ Before និង​ Eve After មាន​ន័យ​ថា​ “ខ្ញុំ”​នឹង​សំដៅ​លើ​តួ​ Gabe និង​ Eve ហើយ​ After មាន​ន័យ​ថា​ ក្រោយ​ថ្ងៃ​កើត​ហេតុ។ អ្នក​អាន​អាច​វង្វេង​នៅ​ពេល​អាន​ដំបូង​ តែ​បន្ទាប់​ពី​អាន​មួយ​សន្ទុះ​និង​ព្យា​យាម​ស្វែង​យល់ អ្នក​នឹង​យល់​នូវ​អ្វី​ដែល​អ្នក​និពន្ធ​ចង់​បង្ហាញ​ដោយ​ខ្លួន​ឯង។

សរុប​ទៅ​ រឿង​វិធី​និទាន​ទាំង​បី​នេះ​ ខ្ញុំ​យល់​ថា​ខុស​ៗ​គ្នា​ ប្លែក និង​មាន​លក្ខណៈ​ពិសេស​រៀង​ៗ​ខ្លួន។ ប្រសិន​បើ​អ្នក​ស្គាល់​និង​ឃើញ​វិធី​និទាន​ប្លែក​ជាង​នេះ​និង​គួរ​ឲ្យ​ចាប់​អារម្មណ៍​ កុំ​ភ្លេច​​ចែក​រំលែក​ខ្ញុំ​ផង។ ^^

ឆមាស​ចុង​ក្រោយនៅ​កូរ៉េ

SAM_2429

ធ្មេច​បើក​ចូល​ដល់​ឆ្នាំ​ទី​បួន​និង​ឆមាស​ចុង​ក្រោយ ថា​ពេល​វេលា​ដើរ​លឿន​ក៏​បាន​ យឺត​ក៏​បាន​ ព្រោះ​រយៈ​ពេល​កន្លង​មក​នេះ ហាក់​ដូច​ជា​មាន​រឿង​ជា​ច្រើន​កើត​ឡើង វា​មិន​លឿន​ពេក​ទេ។ ពី​ក្មេង​ស្រី​ម្នាក់​ដែល​ពុំ​សូវ​ដឹង​ច្រើន​នូវ​ចំណេះ​ដឹង​ផ្សេង​ៗ ពុំ​ធ្លាប់​មាន​បទ​ពិសោធន៍​ក្នុង​ជីវិត​នៅ​ឡើយ តែ​ត្រឹម​តែ​រយៈ​ពេល​ប្រមាណ​៤ឆ្នាំ​ជាង​នេះ​ នាង​មាន​ការ​យល់​ដឹង​ច្រើន​ ទាំង​ការ​បាន​ពី​ការ​រៀន​ស្វែង​យល់​ដោយ​ខ្លួន​ឯង​និង​ពី​អ្នក​នៅ​ជុំវិញ​ខ្លួន។​ ពិសេស​នាង​ចេះ​រៀន​រស់​និង​គ្រប់​គ្រង​ដោយ​ខ្លួន​ឯង​ ពី​ក្មេង​ស្រី​ទន់​ខ្សោយ​ទាំង​ស្មារតី​និង​ជំនឿ​ចិត្ត​ ពេល​នេះ​បាន​អភិវឌ្ឍ​ខ្លួន​ត្រឹម​កម្រិត​មួយ​ដែល​ប្រសើរ​ជាង​មុន​ បើ​ទោះ​ជា​នៅ​មាន​ចំនុច​ខ្វះ​ខាត​ជា​ច្រើន​ទៀត​ក៏​ដោយ​។

តាម​ការ​សង្កេត​ពី​ខ្លួន​ឯង​ ខ្ញុំ​យល់​ថា​ខ្ញុំ​មាន​ការ​ប្រែ​ប្រួល​ក្រាស់​ក្រែល​ ទាំង​អត្តចរិត​និង​អាកប្បកិរិយា។ មិន​មែន​គ្រប់​ចំនុច​ទាំង​អស់​សុទ្ធ​តែ​អភិវឌ្ឍ​ប្រសើរ​ជាង​មុន​ទាំង​អស់​នោះ​ទេ​ ចំនុច​ខ្លះ​នៃ​ខ្លួន​ខ្ញុំ​បច្ចុប្បន្ន​ ខ្ញុំ​មាន​អារម្មណ៍​ថា​វា​ដើរ​ថយ​ក្រោយ​ទៅ​វិញ​ ឬ​អតីតភាព​ដូច​ជា​ប្រសើរ​ជាង​។ ឧទាហរណ៍​​ ពី​មុន​ដែល​មិន​មែន​ជា​មនុស្ស​ឆាប់​ឆែវ​ឆាវ​ឬ​ចេះ​គ្រប់​គ្រង​អារម្មណ៍​ខ្លួន​បាន​ភាគ​ច្រើន​ បច្ចុប្បន្ន​ខ្ញុំ​សង្កេត​ឃើញ​ខ្លួន​ឯង​ឆាប់​ឆេវ​ឆាវ​និង​ពេល​ខ្លះ​មិន​អាច​គ្រប់​គ្រង​អារម្មណ៍​ខ្លួន​ឯង​បាន​។ ទាំង​អស់​នេះ​ មិន​មែន​ខ្ញុំ​ជា​ជ្រើស​រើស​ទេ​ តែ​ប្រហែល​ដោយ​សារ​កាលៈ​ទេសៈ​ ការ​យល់​ឃើញ និង​វ័យ​អាយុ​ផ្លាស់​ប្តូរ​ ធ្វើ​ឲ្យ​ខ្លួន​យើង​ផ្លាស់​ប្តូរ​ទៅ​តាម​នឹង​ដោយ​មិន​ដឹង​ខ្លួន​។

ចូល​ដល់​ប្រធាន​បទ​ឆមាស​ចុង​ក្រោយ​នៅ​កូរ៉េ​នេះ​វិញ ខ្ញុំ​មិ​ន​ដឹង​ថា​ខ្ញុំ​បាន​ត្រៀម​ខ្លួន​រួច​ហើយ​ឬ​នៅ​សម្រាប់​ការ​បញ្ចប់​បរិញ្ញាប័ត្រ​មួយ​នេះ ព្រោះ​នៅ​ស្រពិច​ស្រពិល​នៅ​ឡើយ​ពី​​អ្វី​ដែល​ខ្ញុំ​គួរ​ធ្វើ​បន្ត​នៅ​ប៉ុន្មាន​ខែ​ខាង​មុខ​នេះ​។ ហាក់​នៅ​វិល​វល់​នៅ​ឡើយ​ មិន​ទាន់​ដឹង​ថា​គួរ​គូស​វាស​គោល​ដៅ​មួយ​ណា​នៃ​ជីវិត​។ ប្រហែល​បណ្តោយ​តាម​យថាកម្ម​ទេ​ដឹង? សង្ឃឹម​ថា​ខ្ញុំ​ស្វែង​រក​ឃើញ​គោលដៅ​ច្បាស់​លាស់​មួយ​ឆាប់​ៗ​នេះ។

ឡាវ័ន

រៀប​ចំ​ផ្ទះ​និង​ដាក់​ដំបូល​ថ្មី​សម្រាប់​កម្មវិធី​សរសេរ​ប្លុក

ព្រឹក​នេះ​បើក​ហ្វេសប៊ុគ​ ឃើញ​គេ​ប្រកាស​ពី​កម្មវិធី​សរសេរ​ប្លុក​ទៀត​ហើយ​។ មិន​បង្អង់​យូរ​ ដោយ​សារ​ខាន​សរសេរ​ប្លុក​យូរ​ផង​ ក៏​ប្រញាប់​ប្រញាល់​ដោនឡូដ​ពាក្យ​ចុះ​ឈ្មោះ​ក្នុង​កម្មវិធី​ តែ​ចៃដន្យ​អី​គេ​តម្រូវ​ឲ្យ​សរសេរ​អត្ថបទ​មួយ​ពី​រមណីយដ្ឋាន​នៅ​កូរ៉េ​ ហើយ​បង្ហាញ​តំណ​ឲ្យ​គេ។ ហេតុនេះ​ហើយ​ទើប​តម្រូវ​ឲ្យ​ខ្ញុំ​នឹក​ចង់​រៀប​ចំ​ប្លុក​សារឡើង​វិញ ព្រោះ​ប្លុក​ខ្ញុំ​ដែល​ទើប​តែ​ប្តូរ​ template នៅ​មិន​ទាន់​សណ្តាប់​ធ្នាប់​រៀប​រយ​នៅ​ឡើយ។ តាម​ពិត​ចង់​ធ្វើ​ header យូរ​ហើយ​ តែ​ចេះ​តែ​ខ្ពិល​ ទាល់​តែ​ពេល​នេះ​ ដោយ​សារ​ចង់​ចូល​កម្មវិធី​គេ​ផង ក៏​សម្រេច​ថា​រៀប​ចំ​តុបតែង​ផ្ទះ​ប្លុក​ខ្ញុំ​បន្តិច​សិន វា​មាន​ទៅ​អត់​ប៉ុន្មាន​!! 😀

2014-05-01 01.44.09

ដំបូង​ចាប់​ខ្មៅ​ដៃ​គូសវាស​ព្រាង​ header ថា​គួរ​ត្រូវ​រៀប​ចំ​យ៉ាង​ម៉េច​ ដោយ​បើក​មើល​រូប​ភាព​ចុះ​ឡើង​​ ក្រែង​លោ​មាន​រូប​ណា​ចូល​ភ្នែក​យក​មក​កែ​ច្នៃ​បាន។​ មើល​ចុះ​ឡើង​ ក៏​រក​ឃើញ​រូប​មួយ​ចំនួន​ដែល​ដឹង​ថា​គួរ​ដាក់​ត្រូវ​ណាខ្លះ។ បន្ទាប់​មក​ចាប់​ផ្តើម​ប្រតិបត្តិការ​រក​រូបភាព​ក្នុង Google ដែល​ត្រូវ​ការ​ ជា​ពិសេស​រក​មើើល​ព្រាវ​ដែល​ទាក់​ទង​នឹង​កូរ៉េ។ រក​មួយ​សន្ទុះ​ក៏​រក​ឃើញ​បី​បួន​ដែល​គួរ​ឲ្យ​ចាប់​អារម្មណ៍ ហើយ​បន្ទាប់​មក​ទៀត​នៅ​ចាំ​អី​ទៀត គឺ​វគ្គ​បើក​ Photoshop ចាត់​ការ​ទាញ​ចុះ​ទាញ​ឡើង ចេះ​តែ​ពឺត​ៗ​ទៅ តាម​ចិត្ត​នឹក​ឃើញ។ ទី​បំផុត​សម្រេច​បាន​រួប​ចុង​ក្រោយ​ជា​ស្ថាពរ​ដូច​ដែល​ឃើញ​នេះ​​ឯង។

មិន​ទាន់​ដឹង​ថា​ជាប់​ឬ​ធ្លាក់​ទេ​ តែ​បើ​ជាប់​ប្រហែល​ត្រូវ​មក​ពិភព​គន់​វតប្រេស​សារជា​ថ្មី ប៉ប៉ាច់​ប៉បោច​រាល់​ថ្ងៃ​ទៀត​ហើយ = ))) តែ​បើ​ធ្លាក់​វិញ មាន​អី​ គឺ​អត់​អាដែល​ហ្នឹង! =.=

 

Screenshot 2014-05-01 01.48.25

 

blog-