La1's life in KOREA

បើខ្ញុំមិនឡប់ក៏ឆ្កួតដែរ

lavorn (ឡាវ័ន) — Tue, 14 Feb 2012 03:16:27 +0000

កាលពីប៉ុន្មានខែមុន ថ្ងៃមួយខ្ញុំបានទទួលmessage មួយក្នុងហ្វេសប៊ុគពីមនុស្សម្នាក់ គេប្រាប់ថាគេមិនចូលចិត្តខ្ញុំទេ។ ពេលដែលខ្ញុំឃើញសារនោះលើកដំបូង ខ្ញុំឆ្ងល់ខ្លាំងណាស់ និងមិនយល់ទាល់តែសោះ ថាហេតុអ្វីគេមិនចូលចិត្តខ្ញុំ ព្រោះខ្ញុំមិនធ្លាប់បានធ្វើអ្វីទៅគេនោះទេ។ ណាមួយក្នុងចិត្តគិតថា ប្រហែលគណនីយនោះជាគណនីយក្លែងក្លាយ ដែលចង់លេងជាមួយខ្ញុំ។ តែតាមរយៈពាក្យសម្តីខ្លះៗរបស់គេ ធ្វើឲ្យចាប់បានតិចៗថា គេជាគណនីយពិតប្រាកដ តែនៅតែមិនច្បាស់។

រយៈពេលកន្លងផុតជាច្រើនខែ ខ្ញុំនៅតែមិនយល់ និងឆ្ងល់ពីកំហុសខ្លួនឯង ថាបានធ្វើអ្វីទៅ!!!???? ហេតុអ្វីបានជាគេមិនចូលចិត្តខ្ញុំដល់ម្ល៉ឺង??! ដំបូងខ្ញុំគិតថា គេច្បាស់ជាយល់ច្រឡំមកខ្ញុំមិនខាន។

មិនថាខ្ញុំធ្វើអ្វីទេ គេនៅតែឆ្លើយថាគេមិនចូលចិត្តខ្ញុំដដែល ហើយគេបានប្រាប់ឲ្យខ្ញុំដើរចេញពីជីវិតគេ។ ដោយមិនចង់ឲ្យគេស្មុគស្មាញឬមិនសប្បាយចិត្តដោយសារខ្ញុំ ខ្ញុំក៏សម្រេចចិត្តដើរចេញពីជីវិតគាត់ទាំងបង្ខំចិត្ត។ ដើរចេញទាំងមិនយល់ថា តើខ្លួនបានធ្វើអ្វីខ្លះ មិនដឹងថាបានធ្វើអ្វីខុសសោះ។

ទើបតែម្សិលមិញ ខ្ញុំមិនអស់ចិត្ត ខ្ញុំក៏សម្រេចឆែកមើល message ក្នុងហ្វេសប៊ុគទាំងអស់ ក្រែងលោឃើញ message ដែលធ្លាប់និយាយជាមួយគេ ព្រោះគេនិយាយថា គេធ្លាប់ chat ជាមួយខ្ញុំ។

រកចុះរកឡើងក៏រកឃើញមែន!!!!!!!!!!!!!!! គឺតាំងពី២ឆ្នាំមុនម្ល៉េះ! តែខ្ញុំចាំមិនបានសោះ ពីអ្វីដែលខ្ញុំធ្លាប់បាននិយាយជាមួយគេ។ ពេលដែលខ្ញុំអាននូវអ្វីដែលខ្ញុំបានសរសេរទៅកាន់គេ ខ្ញុំពិតជាភ្ញាក់ផ្អើលជាខ្លាំង។ ខ្ញុំខ្លួនឯង មិននឹកស្មានសោះថា ខ្ញុំកាលណោះឡប់ដល់ម្ល៉ឹង! វាហាក់ដូចមនុស្សពីរផ្សេងគ្នាអ៊‍ីចឹង!!

ខ្ញុំពិតជាបន្ទោសខ្លួនឯងជាខ្លាំង តែខ្ញុំមិនអាចធ្វើអ្វីបានទេ ព្រោះវាជាកំហុសរបស់ខ្ញុំមែន។ ខ្ញុំក៏មិនយល់ពីខ្លួនឯងដែរ បើពេលវេលាអាចវិលថយក្រោយវិញបានមែន វាពិតជាល្អណាស់ តែគួរឲ្យស្តាយដែលវាមិនអាចទៅរួច។

ពេលនេះទើបខ្ញុំយល់ច្បាស់ពីអារម្មណ៍គេ យល់គ្រប់យ៉ាងថាហេតុអ្វីគេមិនចូលចិត្តខ្ញុំ។ បើទោះខ្ញុំជាគេ ក៏ខ្ញុំមិនចូលចិត្តនៅអ្វីដែលខ្ញុំបាននិយាយនៅ២ឆ្នាំមុនដែរ។ តែខ្ញុំមិនដឹងថា កាលណោះហេតុអ្វីបានជាខ្ញុំឆ្កួតទៅផ្ញើរmessageទៅគេចឹងទេ ខ្ញុំភ្លេចបាត់ហើយ ភ្លេចទាំងអ្វីដែលធ្លាប់បាននិយាយ ភ្លេចទាំងអារម្មណ៍ខ្ញុំពេលនោះ។ តើលោកអ្នកយល់ថាខ្ញុំឡប់ដែរទេ? ខ្ញុំខ្លួនឯងមិនយល់ពីខ្លួនឯង មិនចាំពីអ្វីដែលខ្លួនបានធ្វើផង តើឲ្យខ្ញុំនិយាយទៅគេថាម៉េច? ខ្ញុំដឹងថា ពេលនេះខ្ញុំនិយាយអ្វីក៏គ្មានប្រយោជន៍ដែរ ដូចនេះខ្ញុំមិនហ៊ាននិយាយអ្វីច្រើនទេ មានតែសម្រេចចិត្តដើរចេញតាមអ្វីដែលគេសំណូមពរ។

ពាក្យជាចុងក្រោយដែលខ្ញុំចង់ប្រាប់ទៅគេ គឺចង់ឲ្យគេដឹងថា ខ្ញុំយល់ពីហេតុផលដែលគេមិនចូលចិត្តខ្ញុំហើយ ហើយអ្នកដែលគេមិនចូលចិត្តគឺឡាវ័នកាលពី២ឆ្នាំមុន មិនមែនឡាវ័ននាពេលបច្ចុប្បន្នទេ។ មកពីឡាវ័ន២ឆ្នាំមុន ទើបធ្វើឲ្យគាត់មានគំនិតអគតិមកលើឡាវ័នបច្ចុប្បន្ន ហេតុនេះទោះបីឡាវ័នបច្ចុប្បន្នធ្វើអ្វី ក៏គេគិតឃើញក្នុងផ្លូវមិនល្អរហូត។

នេះជាអត្ថបទចុងក្រោយដែលខ្ញុំសរសេរពីគេ ចាប់ពីថ្ងៃនេះទៅ ខ្ញុំលែងរំខានគេទៀតហើយ។ ពេលនេះខ្ញុំអាចដើរចេញដោយអស់ចិត្តហើយ ព្រោះខ្ញុំយល់ពីកំហុសខ្លួនឯង ដឹងពីអ្វីដែលខ្លួនបានធ្វើ។

ចាំមើល១០ឆ្នាំអីទៀត ពេលខ្ញុំជោគជ័យក្នុងជីវិត ចាំទៅរកជួបគេម្តងទៀត ហាហា… សង្ឃឹមថា១០ឆ្នាំទៀត គេភ្លេចចាំខ្ញុំអត់បាន^^

Filed under: my feeling somedays

បកប្រែបទកូរ៉េថ្មី “យ៉ាងណាយើងធ្លាប់ស្រឡាញ់គ្នា/ We were in love/ 우리 사랑했잖아”

lavorn (ឡាវ័ន) — Fri, 06 Jan 2012 02:24:53 +0000

យ៉ាងណាយើងធ្លាប់ស្រឡាញ់គ្នា| We were in love | 우리 사랑했잖아

*우리 사랑했잖아 제발 날 울리지마
오직 내겐 너 하나뿐야
눈을 감아도 보여 귀를 막아도 들려
제발 날 떠나가지마
어두웠던 내 삶에 빛이 되어준 사람 너무나 소중한 사람
하루 지나고 또 지나도 더 그리워져 이 노랠 하는 지금도
*REPEAT

돌아올것 같아서 다시 올지 몰라서 오늘도 너를 기다려
너는 모르지 넌 모르지 아파하는 날 이 노랠 하는 지금도
*REPEAT

RAP] 세상과 너 둘중에 택하라면 하나
내 전불 빼앗아도 너라면 난 좋아
낮이나 밤이나 사랑에 난 목마른 자
널 이젠 잊자 이런 나의 같잖은 다짐이 또 다시 나를 울려 들려
너에게 바라는건 오직 너야
너 없인 아무것도 할수 없는 나야
이 노랠 들으면 제발 너 돌아와 돌아와

사랑하면 할수록 점점 야위어만 가
오직 내겐 너 하나뿐야
우리 사랑했잖아 제발 날 울리지마
날 두고 떠나가지마

RAP] Yeah uh uh 결국 넌 돌아서 나는 또 막아서
자존심 다 버리고 미친척 널 따라서
가슴이 되려 나를 다그치고 말했어
세상에 하나뿐인 널 잃지는 말랬어
나는 또 웃는척 그냥 멀쩡한척
너에게 부르는 마지막 나의 이 노래
제발 날 떠나가지마

* យ៉ាងណាយើងធ្លាប់ស្រឡាញ់គ្នា សូមមេត្តាកុំធ្វើឲ្យអូនយំ

ចំពោះអូន គឺមានតែបងម្នាក់ប៉ុណ្ណោះ

ទោះបិទភ្នែកនៅតែឃើញ បិទត្រចៀកក៏នៅតែឮ

សូមមេត្តាកុំចាកចោលអូន

បងជាអ្នកជួយឲ្យជីវិតអូនដែលងងឹតសូន្យប្រែជាភ្លឺចិញ្ចាច ជាមនុស្សសំខាន់ខ្លាំងណាស់

ពីមួយថ្ងៃទៅមួយថ្ងៃ អូននឹកបងកាន់តែខ្លាំងឡើង សូម្បីពេលកំពុងច្រៀងចម្រៀងនេះ

ច្រៀង *

ក្រែងលោបងត្រលប់មកវិញ ក្រែងលោបងមករកអូន ថ្ងៃនេះអូនបានទន្ទឹងរង់ចាំបង

បងមិនដឹងទេមែនទេ? បងមិនដឹងទេ ពីទំហំនៃថ្ងៃដែលឈឺចាប់ ទោះបីពេលកំពុងច្រៀងបទនេះក៏ដោយ

ច្រៀង *

RAP: ប្រសិនបើឲ្យអូនជ្រើសរើសរវាងពិភពលោកនេះហើយនិងបង

ទោះបីអូនគ្មានសល់អ្វី ឲ្យតែមានបង ក៏អូនអស់ចិត្តហើយ

ទោះថ្ងៃឬយប់អូននឹកតែបង

ពេលនេះឲ្យបំភ្លេចបង មិនដូចជាអ្វីដែលអូនបានសន្យា វាធ្វើឲ្យឲ្យអូនយំម្តងទៀត បងឮទេ?

អ្វីដែលអូនប្រាថ្នា គឺបង

គ្មានបង អូនធ្វើអ្វីក៏មិនកើត

បើបងបានឮចម្រៀងនេះ សូមត្រលប់មកវិញ

កាន់តែស្រឡាញ់ ទំហំនៃស្នេហាកាន់តែធំ

ចំពោះអូនគឺមានតែបងម្នាក់គត់

យ៉ាងណាយើងធ្លាប់ស្រឡាញ់គ្នា សូមកុំធ្វើឲ្យអូនយំ

កុំចោលអូនឲ្យនៅម្នាក់ឯង

RAP: Yeah uh uh ទីបំផុតបងត្រលប់មកវិញ អូនឃាត់បងជាថ្មី

អូនលះបង់កិត្តិយសហើយធ្វើជាឆ្កួត ដើរតាមបង

តែបេះដូងបានប្រាប់អូន

មិនអាចបាត់បង់បងតែម្នាក់គត់លើលោកនេះ

អូនក៏ធ្វើពុទជាសើច ធ្វើពុទជាមិនអី

បទនេះជាបទដែលអូនច្រៀងជូនបងជាចុងក្រោយ

សូមមេត្តាកុំចាកចោលអូន

by T-Ara & Davichi

ច្រៀងដោយ ក្រុម ធារ៉ា និង ដាវីឈី

Filed under: Korean Songs

អត្ថន័យបទចម្រៀងកូរ៉េ “គ្មានអ្នកដូចបង/ 너밖엔 없더라”

lavorn (ឡាវ័ន) — Thu, 05 Jan 2012 09:01:39 +0000

내게 잘해줘도 고마운 줄 몰랐어
받을 줄만 알던 철부지였어
그땐 그게 정말 행복인 줄 몰랐어
이렇게 그리운 추억이 될 줄
멀리 떠난 후에야 눈물이 날 가르쳐
니 곁이 바로 천국이었다는 걸

사랑해 너밖엔 없더라
그런 사람 세상엔 없더라
영원히 내 사랑 너야
다시 태어나도 너야
이젠 내가 더 널 사랑해

말 한마디라도 따뜻하게 못했어
너를 무던히도 힘들게 했어
왠지 다른 곳에 있을 것만 같았어
나를 눈부시게 비춰줄 사람
너를 잃은 후에야 눈물이 날 가르쳐
나에겐 니가 햇살이었다는 걸

사랑해 너 밖엔 없더라
그런 사람 세상엔 없더라
영원히 내 사랑 너야
다시 태어나도 너야
이젠 내가 더 널 사랑해

늘 받기만 한 너의 그 사랑
이젠 내가 갚을 차롄걸

사랑해 너 밖엔 없더라
너 하나가 내 전부였더라
영원히 내 사랑 너야
다시 태어나도 너야
내 삶에 단 한 사람 너야

영원히 내 사랑 너야
다시 태어나도 너야
내 삶에 단 한 사람 너야 .. 너야

ទោះបងធ្វើល្អដាក់អូន ក៏អូនមិនបានដឹងពីគុណនៃបង

អូនជាមនុស្សល្ងង់ម្នាក់ ដែលចេះតែទទួល

ពេលនោះអូនមិនដឹងសោះថា វាជាពេលដែលមានក្តីសុខខ្លាំង

ពេលនេះអូនអាល័យអនុស្សាវរីយ៍ទាំងនោះ

ពេលបងចាកឆ្ងាយទៅ ទើបទឹកភ្នែកបង្រៀនអូន

ឲ្យដឹងថា នៅក្បែរបង គឺជាឋានសួគ៌

អូនស្រលាញ់បង គ្មានអ្នកផ្សេងដូចបង

នៅលើលោកនេះ គ្មានអ្នកអាចជំនួសបងឡើយ

បងគឺស្នេហារបស់អូនជារៀងរហូត

កើតជាតិថ្មីក៏នៅតែបង

ពេលនេះអូនស្រលាញ់បងលើសមុនទៅទៀត

អូនមិនដែលបាននិយាយទៅបងឲ្យកក់ក្តៅ

អូនបានធ្វើឲ្យបងពិបាកច្រើនព្រោះតែអូន

មានអារម្មណ៍ថាយើងដូចជានៅទីផ្សេងគ្នារហូត

បងជាអ្នកដែលបានជួយឲ្យជីវិតអូនមានពន្លឺចែងចាំង

ពេលបាត់បង ទើបទឹកភ្នែកបង្រៀនអូន

ឲ្យដឹងថា បងជាពន្លឺព្រះអាទិត្យនៃជីវិតអូន

អូនស្រលាញ់បង គ្មានអ្នកផ្សេងដូចបង

នៅលើលោកនេះ គ្មានអ្នកអាចជំនួសបងឡើយ

បងគឺស្នេហារបស់អូនជារៀងរហូត

កើតជាតិថ្មីក៏នៅតែបង

ពេលនេះអូនស្រលាញ់បងលើសមុនទៅទៀត

អូនដែលចេះតែទទួលតែមិនចេះផ្តល់ក្តីស្រលាញ់ទៅបង

ពេលនេះដល់វេនអូនសងបងវិញម្តង

អូនស្រលាញ់បង គ្មានអ្នកផ្សេងដូចបង

នៅលើលោកនេះ គ្មានអ្នកអាចជំនួសបងឡើយ

បងគឺស្នេហារបស់អូនជារៀងរហូត

កើតជាតិថ្មីក៏នៅតែបង

ក្នុងជីវិតអូនគឺមានតែបងម្នាក់គត់

ស្នេហាអូនចំពោះបងគឺជារៀងរហូត

កើតជាថ្មីក៏នៅតែបង

ក្នុងជីវិតអូនគឺមានតែបងម្នាក់គត់..គឺបង

가수: 김 그림

ច្រៀងដោយ គីម គឺរីម

Filed under: Korean Songs

រើបន្ទប់ស្នាក់នៅ

lavorn (ឡាវ័ន) — Fri, 30 Dec 2011 02:55:12 +0000

ចូលដល់វិស្សមកាលរយៈពេលប្រមាណជា២ខែកន្លះ និស្សិតជាច្រើនមានទឹកមុខសប្បាយរីករាយ។ ភាគច្រើននៃពួកគេត្រលប់ទៅស្រុកកំណើតខ្លួនជួបជុំញាតិមិត្តបងប្អូន។ ដូចនេះ បរិវេណសាលាដែលធ្លាប់តែអ៊ូអរទៅដោយនិស្សិតគ្រប់ច្រកល្ហក ប្រែសភាពជាស្ងាត់ជ្រងំ ខុសពីសពដង។ តែក៏មាននិស្សិតខ្លះមួយចំនួន ពុំបានត្រលប់ទៅស្រុកកំណើតវិញទេ ដោយខ្លះបន្តនៅរៀនវគ្គខ្លីៗដែលមាននាវិស្សមកាល ខ្លះនៅជាប់ធ្វើការងារក្រៅម៉ោងដើម្បីសន្សំលុយទៅដើរលេងនៅក្រៅប្រទេស ឬខ្លះសន្សំលុយទុកបង់ថ្លៃសាលាសម្រាប់ឆមាសក្រោយ។

នៅអន្តេរវាសិកដ្ឋានដែលខ្ញុំកំពុងរស់នៅ ម្សិលមិញនេះមានសភាពអ៊ូអរខុសពីធម្មតា! ហេតុអ្វី? ព្រោះជាថ្ងៃដែលគ្រប់គ្នារើបន្ទប់ចេញ ឬខ្លះរើបន្ទប់ទៅកាន់បន្ទប់មួយទៀត។ អ្នកដែលត្រលប់ទៅស្រុកកំណើតវិញ ត្រូវរើឥវ៉ាន់ទាំងអស់ចេញពីបន្ទប់ ឯសិស្សដែលបន្តស្នាក់នៅ ខ្លះត្រូវរើឥវ៉ាន់ទៅកាន់បន្ទប់មួយទៀត។ បន្ទប់មួយមានគ្នា២នាក់ ដូចនេះរាល់បន្ទប់ដែលនៅសល់តែម្នាក់ (ម្នាក់ទៀតចេញបាត់) ត្រូវរើទៅកាន់បន្ទប់ដែលនៅសល់តែម្នាក់ដែរ (សង្ស័យគេកំពុងលេងល្បែងពីរដកមួយ )

ចៃដន្យអី ខ្ញុំក៏ស្ថិតនៅក្នុងបញ្ជីដែលត្រូវរើបន្ទប់នោះដែរ។ រើមួយថ្ងៃវិលល្ងាចទើបរួច! ស្លាប់ហើយ មិនដែលដឹងសោះថាឥវ៉ាន់ខ្ញុំមានច្រើនដល់ថ្នាក់នឹង!! មិនដឹងជាអីខ្លះទេ ចិបចុបៗពេញនឹង!!
ចាំបានថា កាលខ្ញុំមកកូរ៉េដំបូង ឥវ៉ាន់មានតែបីដុំគត់! ហាហា

រូបថតនេះថតថ្ងៃដំបូងដែលខ្ញុំជាន់ដីកូរ៉េ

Filed under: Life in Korea

ទិញឡេលាបមុខ

lavorn (ឡាវ័ន) — Fri, 30 Dec 2011 02:24:01 +0000

តម្លៃ 43,000 won (ទឹកបាញ់ 23,000 won ~ ឡេលាប 20,000 won)

ទិញនៅ ហាងទល់មុខសាលា (ភ្លេចឈ្មោះហាងបាត់ហើយ)

ចូលខែរងាធ្លាក់ព្រិលហើយ ស្បែកខ្ញុំពីដើមឡើយឲ្យតែមានធ្លាក់ខ្យល់ ដឹងតែពីក្រៀមផ្អេះ។ បើគ្មានឡេជំនួយ មិនបាច់ចាំមើលស្បែកខ្ញុំទេ គ្មានខុសអីពីស្បែកគីង្គក់ឬក្រពើទេ! ហាហា

ដោយអស់ឡេប្រើ ប៉ុន្មានថ្ងៃមុនក៏ទៅទិញឡេថែម បានពីរមុខនេះឯង។ ចាញ់បោកអ្នកលក់ឃោសនាថាល្អចេះល្អចុះ ឥលូវទិញមកបាត់ហើយ ទោះបីថ្លៃបន្តិចក៏ដោយ >.<

Filed under: my shopping in Korea

ស្តាប់និងទាញយកបទកូរ៉េថ្មីៗល្បីៗនាដំណាច់ឆ្នាំ២០១១

lavorn (ឡាវ័ន) — Mon, 26 Dec 2011 14:42:40 +0000

ខានដោនឡូដបទថ្មីៗកូរ៉េជិត២ខែហើយ ទើបតែម្សិលមិញទំនេរ ក៏ឆែកបទថ្មីៗ និងដោនឡូដយកមកទុកស្តាប់។ បទមានច្រើន តែបទដែលខ្ញុំត្រូវចិត្ត និងចង់ស្តាប់មានតែ៥២បទទេ ដូចនេះក៏ដោនយកមកតែ៥២នឹងទៅ។ តែក៏នឹកឃើញចង់ចែកចាយគ្នាស្តាប់ ក្រែងលោមានអ្នកចង់បាន

បទដែលបង្ហាញក្នុង Mixpod player ខាងលើនេះ មានតែ១០បទទេ ជាបទពិរោះៗដែលខ្ញុំចូលចិត្តក្នុងចំណោម៥២បទនេះ។ សាកចុចស្តាប់ទៅ បើពេញចិត្តនិងចាប់អារម្មណ៍អាចចុចដោនឡូដយកទាំង៥២បទនឹងតែម្តង។ តែបើចង់ទាញយកបទម្តងមួយៗ ក៏បានដែរ ដោយខ្ញុំបានអាប់ឡូដនៅក្នុង Mediafire នូវបទមួយចំនួនដែរ ប្រហែលជាង១០បទ។

ចុចដើម្បីទាញយកបទទាំងអស់ (៥២បទ) [137.14MB]

ចុចដើម្បីចូលទៅទាញយកបទនីមួយៗ [Mediafire]

P.S ចំពោះបទ Trouble Maker ដំបូងខ្ញុំច្រឡំដោនឡូដបទអង់គ្លេស =))) ដូចនេះ នៅក្នុងដុំទាំង៥២បទ ពុំមានបទ Trouble Makerកូរ៉េទេ។ បើអ្នកចង់បានបទ trouble maker កូរ៉េ ច្រៀងដោយ ហ្យន់ណា និង ហ្យន់ស៊ឹង សូមចុចទីនេះ

Filed under: Korean Songs

បាយនៅអាហារដ្ឋានសាលាខ្ញុំ

lavorn (ឡាវ័ន) — Fri, 23 Dec 2011 14:47:02 +0000

កាលមកកូរ៉េដំបូងៗ ប្រហែលជារយៈពេលមួយឆ្នាំ ខ្ញុំញ៉ាំបាយនៅអាហារដ្ឋានសាលាខ្ញុំស្ទើររៀងរាល់ថ្ងៃ លើកលែងតែចុងសប្តាហ៍ ព្រោះអាហារដ្ឋាននៅសាលាខ្ញុំ បើកតែពីថ្ងៃច័ន្ទដល់ថ្ងៃសុក្រ រីឯថ្ងៃសៅរ៍បើកតែមួយព្រឹកទេ គឺត្រឹមម៉ោង១និង៣០នាទីរសៀល។

ជាធម្មតា អាហារដ្ឋាននៅសាលាខ្ញុំបើកលក់ត្រឹមម៉ោង៧និង៣០នាទីល្ងាច រីឯអាហារវិញ ផ្លាស់ប្តូរជារៀងរាល់ថ្ងៃ។ នៅខាងមុខអាហារដ្ឋាន មានទូកញ្ចក់ដាក់តាំងអាហារគំរូ ដូចដែលបានឃើញក្នុងរូប គឺដាក់តាំងម្ហូបពិតៗ ជាមួយឈ្មោះ និងតម្លៃផងដែរ។ បើលោកអ្នកពេញចិត្តអាហារណាមួយ គ្រាន់តែប្រាប់ឈ្មោះអាហារនោះទៅកាន់អ្នកគិតលុយទៅ ឲ្យលុយគេហើយ គេនឹងឲ្យគូប៉ុងមកយើង។ យកគូប៉ុងនោះ ទៅឲ្យតូបអាហារដែលធ្វើអាហារនោះទៅ គេនឹងឲ្យម្ហូបមកយើងហើយ។ ដំណាក់កាល និងរបៀបរបបគឺស្រដៀងគ្នាទៅនឹងអាហារដ្ឋាននៅផ្សាសូរិយានោះដែរ

ថ្ងៃនេះ ខ្ញុំជ្រើសរើសអាហារដែលមានឈ្មោះថា ប៊ូឌែជីគែ (부대찌개) តម្លៃ ២៧០០វ៉ុន។ មានអី ឆ្ងាញ់តើ!

Filed under: Life in Korea

“នំពងត្រី” ល្មមឈប់ហៅនំបាញ់ចាយនឿក ឬនំអ៊ី អីទៀតទៅ

lavorn (ឡាវ័ន) — Fri, 23 Dec 2011 02:48:21 +0000

ខ្ញុំក៏ដូចជាអ្នកទាំងអស់គ្នាដែរ មុននេះ ខ្ញុំតែងហៅនំពងត្រីនេះថា នំបាញ់ចាយនឿក។ ជាកំហុសដ៏សែនធំមួយទៀតនោះ គឺការយល់ច្រឡំថា នំមួយនេះមានប្រភពមកពីវៀតណាម។ ដំបូងដែលខ្ញុំបានអានអត្ថបទរបស់អ្នកមីង កែវ ច័ន្ទបូរណ៍ ខ្ញុំពិតជាមានការភ្ញាក់ផ្អើលជាខ្លាំង ព្រោះមិនដែលដឹងពីមុនមកសោះថា តាមពិតបង្អែមដែលខ្ញុំទម្លាប់ហៅ នំបាញ់ចាយនឿកៗនោះ ជាបង្អែមខ្មែរសោះ។ ខ្ញុំមិនហ៊ានថា បង្អែមនេះមានប្រភពមកពីណា ឬអ្នកណាជាអ្នកបង្កើតមុន ហើយអ្នកណាចម្លងអ្នកណាទេ សំខាន់ត្រង់ថា បង្អែមមួយនេះ ខ្មែរយើងក៏មានដែរ មានឈ្មោះជាភាសាខ្លួន ហើយមានដើមកំណើតនៅក្នុងប្រទេសខ្លួន។ វាមិនខុសអ្វីពី ប្រទេសនានាមានភាសារៀងខ្លួននោះទេ យើងមានភាសារៀងខ្លួន រឿងអ្វី ហេតុអ្វី ដែលយើងត្រូវទៅប្រើប្រាស់ភាសាដទៃ? រឿងអ្វីដែលយើង យល់ច្រឡំ ឬខ្លះទទួលស្គាល់ពេញមាត់ថា នំពងត្រីនេះ ជារបស់វៀតណាម ទាំងឈ្មោះ ទាំងប្រភព? វាជាការគួរឲ្យអៀនខ្មាសណាស់ ដែលខ្លួនមិនស្គាល់ពីខ្លួនឯងច្បាស់។

តែខ្ញុំយល់ថា នោះមកពីយើងមិនដឹង! បើដឹងហើយ គួរកែប្រែនិងទម្លាប់ហៅជាភាសាខ្លួនទៅ។ កុំឲ្យអ្នកខ្លះ ដឹងហើយ ឮហើយ នៅតែប្រកាន់ខ្លួន ឬចង់ស៊ីវិល័យ មិនព្រមប្តូរមកហៅឈ្មោះជាភាសាខ្លួនវិញ។ ការកែប្រែនេះ ចាប់ផ្តើមពីអ្នកហើយណា៎!

មួយទៀត ខ្ញុំយល់ថា ខ្មែរយើង បាត់បង់វប្បធម៌ និងឯកសារចំណេះដឹងជាច្រើន ក្រោយសម័យប៉ុលពត។ ដោយសារអ្នកដែលចេះ អ្នកដែលដឹង បានស្លាប់ទៅក្នុងសម័យប៉ុលពតស្ទើរគ្មានសល់ ទើបបានជាយើងមិនស្គាល់ខ្លួនឯងច្បាស់បែបនេះ។ ដូចនេះ យើងរាល់គ្នា គួរពួតដៃគ្នាស្វែងរកអត្តសញ្ញាណរបស់ខ្លួនចាប់ពីថ្ងៃនេះទៅ! អ្វីខ្លះជារបស់យើង អ្វីខ្លះជារបស់គេ អ្វីខ្លះដែលយើងបាត់បង់ អ្វីខ្លះដែលយើងគួរយកមកវិញ ត្រូវចែកឲ្យដាច់

នំកូនត្រី និងនំពងត្រី

នំកូនត្រី និងនំពងត្រី
ខ្លះហៅនំនេះថា បាញ់ចាយនឿក (banh chai nuoc) គឺជាភាសាវៀតណាម សំរាប់ហៅនំរបស់ខ្មែរ នៅពេលគេលុកលុយ ប្រទេសខ្មែរ យកប្រទេសយើង ក្រោមអំណាច បានហើយ ក៏រំលាយអ្វីៗដែលជារបស់ភាសា និងវប្បធម៌ ជាតិយើង ចោលអោយអស់ពីទឹកដីខ្មែរក្រោមទៅ។ ការពិតនំនេះ មានឈ្មោះជាខ្មែរហៅថា នំពងត្រី ធ្វើពីម្សៅអង្ករ ដំណើប មានសណ្តែកបាយ ជាស្នូល ដែលមានពណ៌លឿង ដូចពងត្រី និងមានទឹកផ្អែម ធ្វើពីស្ករត្នោត ឬស្ករអំពៅ រោយល្ងលីង។ នៅតំបន់ខ្លះ គេថែមទឹកខ្ទិះដូង មុននឹងបរិភោគ។ ទាំងអស់នេះ សុទ្ធតែជាធនធាន របស់ខ្មែរ ជនជាតិ កំណើតដើម លើទឹកដីចេនឡា។ ចំណែកនំម្សៅ ដែលគេលុញ តូចៗ បណ្តែតជាមួយនំពងត្រី តែគ្មានស្នូល គេហៅថា នំកូនត្រី។ អ្នកខ្លះ ដែលចូលចិត្ត លើកជើងបញ្ចើចខ្លួន ជាជាតិចិន ចូលចិត្ត ហៅនំកូនត្រី ថាជា នំអ៊ី។ ក្រោយមកទៀត មានខ្មែរយើង ខ្លះដែលចូលចិត្ត បង្អួតបញ្ចេញ ខ្លួន ថា ជាជនដែលចេះភាសាបរទេសច្រើន ឬចូលចិត្តអែបអប បរទេស មិនសូវចូលចិត្ត ហៅឈ្មោះ ជាភាសាខ្មែររបស់ខ្លួនទេ ចេះតែនំគ្នា ហៅថា បាញ់ចាយនឿក ឬ នំអ៊ី ទៅវិញ។ ម៉្លោះហើយ ឈ្មោះដើមកំណើតរបស់យើង ក៏ត្រូវរលាយបាត់បង់ទៅ ជាពិសេស នៅតាមទីក្រុងធំៗ ដែលបរិបូណ៌ទៅដោយមនុស្ស ចំណូលថ្មី និងមនុស្ស ដែលចូលចិត្ត ត្រងទទួលវប្បធម៌បរទេស។

ប្រភព៖ កែវ ច័ន្ទបូរណ៍

Filed under: In Cambodia, What i 1 2 share with u

កាហ្វេមណ្ឌលគិរី

lavorn (ឡាវ័ន) — Thu, 22 Dec 2011 07:44:26 +0000

(រូបភាពបកទើបហ្វឹកហាត់តាម សំបុកអាយធី)

កាហ្វេមណ្ឌលគិរី!!! ខ្ញុំមិនដែលឮពីមុនមកទេ។ ជាការគួរឲ្យអៀនខ្មាសណាស់ ដែលខ្ញុំជាខ្មែរមួយរូបកើតលើដីខ្មែរ និងរស់នៅទីនេះជិត២០ឆ្នាំនឹងគេដែរ តែបែរជាមិនសូវបានដឹងពីផលិតផលក្នុងស្រុករបស់ខ្លួនទៅវិញ។
កាហ្វេនេះ ខ្ញុំស្គាល់តាមរយៈជនជាតិកូរ៉េទេ ហើយស្គាល់កាហ្វេនេះ នៅលើទឹកដីកូរ៉េទៀតផង! តែមិនមែនតាមរយៈការដាក់លក់នៅទីនេះទេ គឺតាមរយៈកាដូដែលខ្ញុំទទួលបានពីបងស្រីជនជាតិកូរ៉េដែលគាត់ទើបមកពីខ្មែរ។ គាត់គិតថា ខ្ញុំច្បាស់ជានឹកស្រុកកំណើត ជាពិសេសនឹកម្ហូប នឹកនំ នឹកអ្វីៗនៅខ្មែរ ទើបពេលគាត់មក គាត់ខំខ្ចប់ កាហ្វេមណ្ឌលគិរីនេះ និងរបស់ញ៉ាំផ្សេងទៀត ដូចជា ផ្លែស្វាយ មីយើង មីម៉ាៗ នំសណ្តែកដី… តែរបស់ទាំងនោះ ខ្ញុំញ៉ាំអស់ហើយ ហាហា… នៅសល់តែកាហ្វេមណ្ឌលគិរីនេះឯង ដែលនៅសល់ក្រោយគេ ព្រោះខ្ញុំមិនសូវចំណូលកាហ្វេ។
តែអ្វីដែលគួរឲ្យចាប់អារម្មណ៍គឺថា តាមដែលខ្ញុំកត់សម្គាល់ បងៗកូរ៉េដែលគាត់ត្រលប់មកពីខ្មែរ សុទ្ធតែស្គាល់កាហ្វេមណ្ឌលគិរីនេះច្បាស់ណាស់ ហើយពួកគាត់ចូលចិត្តទទួលទានវាទៀតផង។ ថ្ងៃមុន គ្រាន់តែមិត្តភក្តិខ្ញុំ ផ្ញើកាហ្វេនេះយកមកឲ្យអ្នកគ្រូកូរ៉េខ្ញុំពីរបីកញ្ចប់ ឃើញទឹកមុខគាត់ឡើងអរ ដូចគេឲ្យពេជ្រមួយដុំ ហិៗៗៗ

ពិតមែន! កាហ្វេស្រុកយើង ទ្រង់ខុសនឹងកាហ្វេស្រុកនេះ ហើយរសជាតិក៏ម្យ៉ាងម្នាក់ដែរ ហេតុនេះហើយ ទើបពួកគាត់ចូលចិត្ត ព្រោះមិនដែលបានផឹកពីមុនមក។ ជាពិសេស គាត់តែងតែរអ៊ូថាឃ្លានចង់ផឹក កាហ្វេទឹកដោះគោទឹកកក!!! កាហ្វេមណ្ឌលគិរីនេះ អាចខ្ចប់ពីខ្មែរមកឲ្យគាត់បាន តែកាហ្វេទឹកដោះគោទឹកកក មិនដឹងជាយកឲ្យគាត់តាមណាទេ ដូចនេះចង់ផឹកទាល់ទៅខ្មែរទើបបានផឹក ហាហា

ចូលដល់កាហ្វេមណ្ឌលគិរីនេះវិញ តើលោកអ្នកធ្លាប់ឮ ឬពិសារពីមុនដែលឬទេ? ចំណែកខ្ញុំ កំពុងតែផឹកបណ្តើរ សរសេរអត្ថបទនេះជូនលោកអ្នកបណ្តើរ ហេហេៗៗ…

Filed under: In Cambodia

តំណទាញយករឿងព្រេងនិទានខ្មែរ ប្រលោមលោក និងរឿងអក្សរសិល្ប៍ (PDF files) ទៅអានលេង

lavorn (ឡាវ័ន) — Tue, 20 Dec 2011 14:51:38 +0000

ប៉ុន្មានសប្តាហ៍មុនខ្ញុំបានដើរប្រមូលដោនឡូដរឿងព្រេងនិទានខ្មែរជាច្រើនពីវិបសាយ khmerdocs.com និងវិបសាយផ្សេងទៀត ជាPDFហ្វាល់ យកមកដាក់នៅក្នុងទូរស័ព្ទដៃខ្ញុំ។ រឿងទាំងនោះ ខ្លីៗទេ ខ្លះតែ២ ឬ ៣ទំព័រទេ។ តាំងពីដាក់ហ្វាល់PDFទាំងនេះ ក្នុងទូរស័ព្ទដៃខ្ញុំមក ខ្ញុំមានឱកាសអាចអានវាច្រើនជាងធម្មតា ជាពិសេស តែងបើកអាន ពេលនៅម្នាក់ឯង អផ្សុក ឬកំពុងអង្គុយចាំនរណាម្នាក់។ វាអាចជួយឲ្យខ្ញុំបាត់អផ្សុក ហើយក៏អាចឲ្យខ្ញុំបានដឹងពីរឿងព្រេងនិទានខ្មែរផងដែរ។ រឿងខ្លះ ខ្ញុំធ្លាប់អាន តាំងពីនៅតូចៗ ថ្នាក់ទី ២ ឬទី៣ម្ល៉េះ ដល់មកអានម្តងទៀត ធ្វើឲ្យនឹកឃើញកាលពីរឿងនៅតូច និងអាចរំលឹករឿងនោះវិញផង ព្រោះអានយូរដែលហើយ។

មួយវិញទៀត រឿងមួយចំនួន ដែលខ្ញុំចង់អានមកជាយូរ តែតែងតែមានអារម្មណ៍ថាខ្ជិល ឬងុយគេងពេលកាន់សៀវភៅ ដូចនេះ ក៏ចេះតែមិនដែលបានអានបានដឹងមកទាល់តែសោះ។ រឿងកាកី ជាឧទាហរណ៍មួយ ព្រោះរឿងកាកីខ្ញុំមិនដែលបានមានឱកាសបានអានពីមុនមកទេ មិនដែលដឹងទេ ថាវាមានដំណើរដើមទងបែបណា។ ធ្លាប់តែឮគេនិយាយតៗគ្នា និងវីដេអូចម្រៀង តែខ្ញុំទើបតែអានចប់ តាមរយៈឯកសារដែលរក្សាទុកក្នុងទូរស័ព្ទដៃនេះឯង។

ដោយយល់ឃើញថាវាមានផលប្រយោជន៍ ហេតុនេះ ថ្ងៃនេះ នាងខ្ញុំចង់ចែករំលែកទៅដល់អ្នកទាំងអស់គ្នា និងចង់ណែនាំឲ្យសាកយកហ្វាល់ដែលនាងខ្ញុំបានរៀបចំនេះ យកទៅទុកនៅក្នុងទូរស័ព្ទដៃដែរ ដើម្បីឲ្យឆាប់បានអានចប់ច្រើនដូចជាខ្ញុំ។ បើទុកតែនៅក្នុងកុំព្យូទ័រ ខ្ញុំជឿថា នឹងមិនងាយមានឱកាសអានទេ ជឿខ្ញុំចុះ។

ដោយឡែក ខ្ញុំបានរៀបចំឯកសារជូនលោកអ្នកហើយ ដោយគ្រាន់តែចុចដោនឡូដទៅ នឹងបានគ្រប់សៀវភៅដែលនាងខ្ញុំមាន។ តែនាងខ្ញុំបានរៀបចំជាពីរដុំ ដោយដុំទីមួយ រាល់ឈ្មោះឯកសារ ដាក់ជាអក្សរឡាតាំងប្រកបជាភាសាខ្មែរ ព្រោះសម្រាប់ទូរស័ព្ទណាដែលពុំអាចអានខ្មែរយូនីកូដ។ ដុំមួយទៀត ជាដុំដែលរាល់ឈ្មោះឯកសារ ត្រូវបានសរសេរជាខ្មែរយូនីកូដ។ លោកអ្នកអាចដោនយកទាំងពីរ ឬយកមួយណា ដែលលោកអ្នកចង់បាន។

ចុចដើម្បីទាញយកឯកសារដាក់ឈ្មោះជាអក្សរឡាតាំង (38MB)

ចុចដើម្បីទាញយកឯកសារដាក់ឈ្មោះជាខ្មែរយូនីកូដ (37MB)

ខាងក្រោមជាបញ្ជីឈ្មោះរឿងទាំងអស់ដែលបានចងក្រង៖

រឿងព្រេងនិទាន

គោញី
គ្រូនិងសិស្ស
គ្រូមើលស្កន់
គំនូររូបប្រពន្ធ
ចចក
ចោរចិត្តជា
ចៅតប់ប្រមល់
ចៅផ្កាប់ត្រឡោក
ចៅសុក្រនិងចៅសៅរ៍
ចៅអាចម៍សេះ
ដូនចាស់ក្នុងឃ្លោក
ដើមកំណើតសត្វកូនលោក
ដើមកំណើតសត្វផ្សោត
ទំពែក៤នាក់
បឹងទុំលែង
បុរសកុហក៤នាក់
បុរសខ្ជិលមានប្រពន្ធគ្រប់លក្ខណ៍
បុរសជីកក្តាម
រឿងឪពុកក្មេករើសកូនប្រសារ
ហោរនិងតាចាស់ដូនចាស់
អណ្តើកនិងស្វា
អន្ទង់វែងឆ្នាំងវែង
អាប៉ាងនាងតី
អាសុខស្លូតនិងអាសុខកាច
អាសំគមបាញ់លលក
អាឡេវ
អ្នកដំណើរ២នាក់ដណ្តើមគ្នាដេកកណ្តាល
ប្រលោមលោកនិងអក្សរសិល្ប៍
ក្រុងឧត្តុង្គ
ខ្យល់
ខ្សែជីវិត
ដំណែងស្នេហ៍រាជនី
តន្រ្តីស្នេហ៍
តែលតោល
នាងកាកី
ព្រោះតែកូនប្រុស
មហាចោរទល់ដែន
មាលាដួងចិត្ត
សង្ឃឹមថ្ងៃថ្មី
សឹមបរឡាន
សៀវភៅផ្សេងៗ
កូសាំងស៊ីន
កិច្ចព្រមព្រៀងនៅប៉ារីសអំពីបញ្ហាកម្ពុជា
គុកនយោបាយ
ចរិកខ្មែរ
ចៅហ្វាយគុយ
ច្បាប់ស្តីពីទេសចរណ៍
ដំណើរឆ្ពោះទៅទិសខាងលិចនិងឥណ្ឌូចិនឆ្នាំ២០០០
បណ្តាំក្រមង៉ុយ
បណ្តាំតាមាស
ប្រវត្តិសាស្រ្តកម្ពុជាប្រជាធិបតេយ្យ
ភាសិតខ្មែរ
វប្បធម៌និងអរិយធម៌ខ្មែរឥណ្ឌា
សិក្សាសង្ខេបអំពីអារ្យធម៌ខ្មែរ
ស្រណោះព្រលឹងខ្មែរ
អរិយធម៌ខ្មែរ
អាចារ្យស្វា

Filed under: Books I read, What i 1 2 share with u

*La1's life in KOREA*

បើ​ខ្ញុំ​មិន​ឡប់​ក៏​ឆ្កួត​ដែរ​

បក​ប្រែ​បទកូរ៉េ​ថ្មី​ “យ៉ាង​ណា​យើង​ធ្លាប់​ស្រឡាញ់​គ្នា​/ We were in love/ 우리 사랑했잖아”

អត្ថន័យ​បទ​ចម្រៀង​កូរ៉េ​ “គ្មាន​អ្នក​ដូច​បង​/ 너밖엔 없더라”

រើ​បន្ទប់​ស្នាក់​នៅ​

ទិញ​ឡេ​លាប​មុខ​

ស្តាប់​និង​ទាញ​យក​បទ​កូរ៉េ​ថ្មី​ៗ​ល្បី​ៗ​នា​ដំណាច់​ឆ្នាំ​២០១១​

បាយ​នៅ​អាហារដ្ឋាន​សាលា​ខ្ញុំ​

“នំ​ពង​ត្រី​” ល្មម​ឈប់​ហៅ​នំ​បាញ់​ចាយ​នឿក​ ឬ​នំ​អ៊ី​ អី​ទៀត​ទៅ​

កាហ្វេ​មណ្ឌល​គិរី​

តំណ​ទាញ​យក​​រឿង​ព្រេង​និទាន​ខ្មែរ​ ប្រលោម​លោក​ និង​រឿង​អក្សរសិល្ប៍​ (PDF files) ទៅអាន​លេង​

La1's life in KOREA

បើខ្ញុំមិនឡប់ក៏ឆ្កួតដែរ

បកប្រែបទកូរ៉េថ្មី “យ៉ាងណាយើងធ្លាប់ស្រឡាញ់គ្នា/ We were in love/ 우리 사랑했잖아”

អត្ថន័យបទចម្រៀងកូរ៉េ “គ្មានអ្នកដូចបង/ 너밖엔 없더라”

រើបន្ទប់ស្នាក់នៅ

ទិញឡេលាបមុខ

ស្តាប់និងទាញយកបទកូរ៉េថ្មីៗល្បីៗនាដំណាច់ឆ្នាំ២០១១

បាយនៅអាហារដ្ឋានសាលាខ្ញុំ

“នំពងត្រី” ល្មមឈប់ហៅនំបាញ់ចាយនឿក ឬនំអ៊ី អីទៀតទៅ

កាហ្វេមណ្ឌលគិរី

តំណទាញយករឿងព្រេងនិទានខ្មែរ ប្រលោមលោក និងរឿងអក្សរសិល្ប៍ (PDF files) ទៅអានលេង